Бүжинлхам бурхан нь Дээд тэнгэр, доод газар, лус, савдагууд, завсарын дэвжид найман аймаг, буг тэргүүтэн юу л байна, хорлож үйлддэг тэр бүгдийг тоосон товрого болгох билэгдэлтэй.
Бүжинлхам бурханы билэгдэл шинж :
Бүжинлхам бурханы билэгдэл шинж :
Дүр нь: Цагаан /нисваанисын гэм, хир бүгдийг эс халдаасны шинж билэгдэлтэй/.
Хоёр мутартаа: Хүүхэд барьсан.
Баруун гартаа: Рашаан дүүрэн бумба барьсан эрэгтэй хүүхэдтэй /нялхасыг тэтгэж, өвчин бүгдийг нь амирлуулах, өвчин адаас зайлуулах, тэтгэх тэжээх гэсэн билэгдэлтэй/. Нас, цог учрал, шид бүтээлийг хоцроолгүй аривдуулахын гуу сан болсон бумбыг барьсан.
Зүүн мутартаа: Зэндмэнь эрдэнэ барьсан эмэгтэй хүүхэд суулгасан /эдийн тэнгэр болоод эд эдлэлийн гуу сангийн хурыг буулгахын билэгдэлтэй/.
Баруун сугандаа: Морин хулгана, тулам барьсан байдалтай /бидний юу л хүсэж байна тэр бүгдийн горилыг хангах билэгдэлтэй/
Хоёр хөлний чимэг нь: Төмөр чөдрөөр чимэглэсэн /арга билгийг хослон барилдуулсаны билэгдэлтэй/
Баруун чихэндээ: Алтан арслан дүүлсэн /мам, эм мангас буюу нялхасыг айлгаж цочоодог адууд байдаг. Тэр бүгдийг сүрээр дарахын шинж билэгдэлтэй/
Зүүн чихэндээ: Могойгоор чимсэн /цогнойн дүүлсэн байдалтай, тэр нь уур хилэнг хоцроолгүй хоосон чанарын агаарт арилгах хувийг агуулсан/.
Мөн чихнийхээ хувь хэсэгт: Алтан хонх зүүсэн /бурхан бүгдэд өргөл хүндлэлийг зохиохын шинж агуулгатай/.
Хүйсэндээ: Нар ургасан байдалтай /зовлонгийн далай бүгдийг ширгээх, хатаахын шинж билэгдэлтэй/.
Толгойн оройгоос нь: Саран ургасан байдалтай /нисваанисын гурван хороо, мунхагийн харанхуйг арилгах билэгдэлтэй/.
Мэлмий нь: Бага зэрэг улаандуу эргэлдсэн байдалтай / Энэ бурхан маань амирлангуй бурхан, мөн бага зэргийн хилэнтэй. Энэ дүр байдал нь арван зүгийг болгоож, гурван ертөнцийн амьтан бүгдийг сахин хамгаалж, манаж байх билэгдэлтэй/.
Хоёр хөхнөөс нь: Рашааны сүү үргэлжид буусан байдалтай /бурхан бүгдийг тэжээн тэтгэж амирлуулж байх билэгдэлтэй/.
Бүжинлхам бурханы зүрхэн тарни
Ма Жо Самъяа Жо Рүлү Рүлү
Жо Рүлү Рагмо Машани Завала
Лхамо Яа Дүр Дий Яарүма Занза
Жо Рүлү Рагмо Машани Завала
Лхамо Яа Дүр Дий Яарүма Занза
Эх сурвалж: www.budda.mn
0 commentaires:
Enregistrer un commentaire