Бух- ноён Монгоhоо ерэhэн түүхтэй. Нэгэ нютагай хаанда Дангина гэхэ гоё басган байгаа. Хаан басагаяа газаашье гаргадаггүй, хүнд харуулдаггүй hэн гэхэ. Нэгэнтэ хаанай гэртээ үгы байхдаа Дангина газаа гарба. Энэ үеэд үнеэгээ hааха саг байгаа. Тэгhэнинь урдаhаань бух гаража ерээд, шаглайж байба. Дангина айгаад гэртээ гүйжэ оробо. Энээнэй hүүлдэ Дангина хүбүүн түрөө. Хаанай зурхай зуруулхаднь тэр бухаhаа хүбүүтэй болоо гээ. Хаан бухые бэдэржэ асаруулаад, хүбүүень эбэртэнь уяад, Түнхэндээ ябуулаа...
Түнхэн рүү орожо ерээд, Далахайда хүрэбэ, Монсогто тийрэжэ амараад хойшоо гараба... Бух- ноён хүбүүгээ эрэ болгожо hамга абхууллаа. Хүбүүниинь юhэн хүбүүдтэй юhэн басгадтай болоо. Нэгэ басганиинь эхэнэр хүнэй албан хад болоhон алдартай. Нэгэ хүбүүниинь Хүхы хангайн эзэн болоо. Зээниинь Улаан Бургаа ноён боложо, Хонгоодор гэжэ нютагай саана Улаан хадада соогоо түбхинөөд, Түнхэн нютагаа Эрхүүгэй можын хилэдэ хаража hуудаг юм. Тэрээндэ Эрхүүгэй хүри- улаан Тула туhалдаг.Дороhоонь муу юумэнэй үгсөө hаань Эрхүүгэй хүри- улаан Тула Улаан Бургаа ноёндоо дуулгажэ, Улаан Бургаа ноён Бух- ноён баабайдаа дуулгадаг, Бух- ноён баабай Шарай ноёндоо дуулгажа муу юумынь дарадаг, албатан зоноо аршалдаг түүхтэй.
0 commentaires:
Enregistrer un commentaire